高手集中营 - 好料集中营 - 足球吧-->賽前分析1
賽前分析1
[高手集中营 - 好料集中营 - 足球吧] [回复] [跟帖] [关闭]

用户名: 高手集中营
C朗孭住祖記捱細界

C朗強勢回歸!喺意甲下周重開之前,先有意大利盃4強同決賽做「熱身」,今晚上演首場4強次回合,有C朗助陣嘅祖雲達斯主場迎戰AC米蘭。首回合打和1比1,鑑於今仗係兩軍自停擺後首場正式賽事,狀態唔慌托弗,AC更有「瑞典神箭」伊巴謙莫域因傷倦勤,作客一定小心為上,加上近年碰頭少入波,寧捧2.5球嘅入球細。(周六凌晨3時開賽)

由於受新冠肺炎疫情影響,停擺咗3個月嘅意甲,將會喺下周末重開,而今個周末先安排兩場意盃4強次回合,嚟緊周中即上演埋決賽,賽程非常緊湊。祖記王牌C朗一向勤力,唔單止抗疫期間喺屋企Keep住做運動,球隊復操後,佢仲提早4粒鐘去到訓練場進行個人訓練,非常餓波。不過前鋒拍檔保羅戴巴拿曾經4次肺炎檢測呈陽性,雖然依家已經好番,但佢坦言體能同狀態未完全恢復,今仗未必出得,另一阿根廷射手希古恩更告身形暴脹,似乎仲需要時間操弗。

近5次對賽4開2球或以下
AC亦唔好得幾多,季中加盟立即激活球隊進攻嘅伊巴謙莫域,仍有傷在身肯定缺陣,需知道有咗伊巴做核心,令查漢奴古、列比錫等翻生,可惜呢位「瑞典神箭」今仗倦勤,隨時令前線群龍無首,攻力受削弱,加上作客更加唔敢輕舉妄動。睇番首回合戰情膠着,AC於易邊後先由列比錫打開紀錄,直至完場前祖記先博到12碼,由C朗操刀扳平,依家佢哋手執1個作客入球,今仗互交白卷都可晉級,毋須急於進攻。何況兩軍近5次碰頭,有4次開2球或以下,今仗係雙方自停擺後首場正式賽事,狀態有待提升,中位數2.5球嘅細盤乃不二之選。

本贴于2020-6-12 9:23:29在高手集中营 - 好料集中营 - 足球吧发表.

[编辑] [删除]

[发表新帖] [回复该帖] [关闭]

快速回复:
用户名
密码
主题
内容 [+] [-]
图片链接

高手集中营 郑 重 声 明
1. 任何言论纯属作者个人观点,与本站无关;
2. 禁止发表反动、色情和其他违反国家法律、法规的言论、信息;
3. 禁止利用本论坛进行赌博、非法买卖等违法行为;
4. 禁止发表恶意攻击他人的言论;
5. 任何转载或转贴都应注明真实作者和真实出处;
6. 禁止发表任何涉及政治、军事、外交等内容的言论;